Policia në Prizren për 40 minuta i konfiskon shtatë patentë-shoferë

Njësia rajonale për trafik rrugor në Prizren ka njoftuar se të mërkurën ka konfiskuar 11 patentë shoferë. Sipas njoftimit, shtatë nga patentë-shoferët janë konfiskuar brenda 40 minutash në rrugën “Wesli Clark”. Organet e rendit, theksojnë se shtatë personat nuk janë ndalur në semafor në kohën kur drita e kuqe ka qenë e ndezur. Më tutje është bërë e ditur se tre patentë shoferë janë konfiskuar për shkak të tejkalimit në vijë të plotë, në segmentin rrugor Suharekë – Carralevë. Shkeljet thuhet se janë dokumentuar përmes video-incizimit nga kamera e veturës me radar mobil./Klankosova.tv.