Policia shqipton 966 tiketa në bazë të ligjit COVID-19

Policia e Kosovës ka shqiptuar 966 tiketa ndaj personave që nuk i kanë përfillur masat kundër përhapjes së pandemisë. Kujtojmë se Instituti Kombëtar i Shëndetësisë Publike ka njoftuar se gjatë ditës së diel, janë regjistruar shtatë raste të vdekjeve me COVID-19, njofton Klan Kosova. “Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratorët private me metodën RT-PCR, janë testuar gjithsej 1.318 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 337 raste pozitive. Brenda 24 orëve janë raportuar shtatë raste të vdekjes me SARS CoV-2 pozitiv”. “Numri total i rasteve pozitive është 20.179 raste nga 95.774 persona të dyshimtë në virusin SARS-CoV-2 dhe 688 raste të vdekjes”.

klankosova.tv