Policia u çon serbëve të Banjskës ushqim dhe barna, ata i mirëpresin (VIDEO)

Sulmi terrorist e plumbat që u krisën përreth shtëpive, i izoluan në fshat. Për shkak të hetimeve që po zbardhin atë që ndodhi të dielën, banorët e Banjskës, mund të hyjnë në vendbanimin e tyre veç pas kontrolleve të detajuara. Atyre, policët e Kosovës mysafirë iu shkuan edhe në shtëpitë e tyre, veçse për krejt diçka tjetër. Të uniformuarit u dërguan mbi 100 pako me gjëra elementare, si ushqime e barna. Ato u pranuan nga serbët lokalë, të cilët kryeministri kur njoftoi për këtë, i falënderoi  për qetësinë, maturinë e besimin. Për ndihmën e policisë, s’kishin dëgjuar edhe banorët përreth, të cilët kur e morën vesh, mirëpritën gjestin e tyre. https://www.youtube.com/watch?v=WIQOrPrj-4s