Që nga agimi i ditës e deri në perëndim të diellit, as një pikë ujë e asnjë kafshatë bukë nuk duhet të kalojë në barkun e myslimanëve. Ky rregull vlen nga e enjta, kur zyrtarisht fillon muaji i shenjtë i Ramazanit.
Një ditë para kësaj date fort të rëndësishme islame që këtë vit rastisi të jetë në pranverë, dha mesazhin e tij tashmë tradicional, myftiu Naim Twrnava, njofton Klan Kosova.
Ai tha se agjërimi, si asnjë ibadet tjetër, shpërfaqë bindjen, dashurinë dhe sinqeritetin ndaj krijuesit tonë, Zotit. Meqë në këto 29 ditë shtëpitë e rrugët gjallërohen teksa mbushen gëzim e begati, u lutë që edhe në pjesë tjera të botës të rikthehet paqja.
Në orët e para të ditës së enjte me ngrënien e syfyrit besimtarët myslimanë nisin muajin e agjërimit, derisa e përfundojnë më datë 20 prill.
https://www.youtube.com/watch?v=AKp5KkLE-d0
●●●
LSHKRIMI NGA
LiZe
Editorial nga Klan Kosova — ndjek video lajme dhe zhvillimet e tjera kryesore të vendit.
