Presidenti i IBO-së: Robin Krasniqi e ka humbur meçin, Boesel mbetet kampion

Federata Botërore e Boksit (IBO) ka thënë se ka refuzuar përfundimisht kërkesën e Robin Krasniqit, teksa Dominic Boesel do të mbetet kampion bote në kategorinë e peshave gjysmë të rënda. Krasniqi, më 10 tetor të këtij viti, u mposht nga Boesel, pas 12 raundeve, me vendim unanim të gjyqtarëve. Krasniqi kishte fituar titullin IBO dhe WBO kur e nokautoi Boeselin në raundin e tretë në vitin e kaluar. Në rimeç, dy nga gjyqtarët ia dhanë fitoren Boeselit, teksa njëri Krasniqit. Me këtë nuk u pajtua Krasniqi, ku ekipi i tij angazhoi tre gjyqtarë të licencuar në Federatën Gjermane të Boksit për të bërë një rivlerësim. Të tre gjyqtarët ia dhanë fitoren Krasniqit. Por, me këtë vendim nuk pajtohet presidenti i IBO-së, Ed Levine, i cili thotë se Boesel mbetet kampion, shkruan boxen1, transmeton Klankosova.tv. “Robin Krasniqi, menaxheri i tij, Luan Dreshaj, dhe avokati i tyre gjerman protestuan kundër këtij vendimi në BDB dhe IBO. Adresa e BDB-së ishte e gabuar që në fillim, pasi ishte një luftë për Kampionatin Botëror të IBO-së, i cili ishte nën mbikëqyrjen e Shoqatës Botërore të IBO-së. Prandaj, i vetmi person kontaktues për ankuesit do të ishte adresa e IBO-së në Coral Gables, Florida, SHBA. Për autorin e këtij shkrimi ishte e qartë që në fillim se vendimi në gjykim nuk do të ndryshohej asnjëherë me ankesë apo protestë, pasi ky ishte një vendim faktik që nuk mund të ndryshohej”, ka thënë Levine.