Prishtina debuton me humbje në Ligën e Kamionëve

Sigal Prishtina ka debutuar me humbje në Ligën e Kampionëve, pasi në kryeqytet është mposhtur nga ekipi bjellorus Tsmoki-Minsk me rezultat 57-50. Florian Miftari, drejtori i Klubit, ka thënë se ata patën shumë gjuajtje të humbura nga distanca dhe se nuk e kishin ditën e tyre. “Kur nuk shënon, shënojnë”, ka thënë Miftari për Kosova Direkt të Orës së Fundit. “Mbrojtja jonë ka qenë shumë e mirë, por është dashur të punojmë më shumë në sulm”. “Sigal Prishtina nuk mbahet mend të ketë shënuar vetëm 50 pikë – ky është një rezultat i zi”. Prishtina shpreson në fitore në ndeshjen e kthimit që zhvillohet në Minsk pas dy ditësh në kuadër të raundit të parë eliminator të Ligës së Kampionëve në basketboll. “Shumë shpejtë do të hakmerremi”, përfundoi Miftari.