Prishtina ia bën sefte në muajin maj stadiumit të rinovuar

Vizita e zyrtarëve të UEFA-s në Kosovë ka rezultuar e frytshme. Tre zyrtarët evropianë - Nicolaus Marshall, Breacher Joachim dhe Mark Blackbourne, të mërkurën dhe të enjten qëndruan në vendin tonë dhe inspektuan punët e bëra deri më tash në stadiumin e qytetit të Prishtinës, dhanë disa rekomandime, njofton Klan Kosova. Ata kanë rekomanduar që testimi i stadiumit të Prishtinës të bëhet para muajit qershor, mbase në ndeshjen finale të Kupës së Kosovës që planifikohet ë zhvillohet më 25 ose 26 maj. Mirëpo, ka mundësi që Ministria e Kulturës, Rinisë dhe Sportit (MKRS) t’ia lejojë Prishtinës që t’i zhvillojë dy ndeshjet e fundit kampionale si vendëse, në javën e 31-të më 6 maj kundër Gjilanit dhe në javën e fundit më 19 maj, kundër Dritës.