Prishtinë, rezultatet për obezitetin mund të jenë më shqetësuese se të 2018-ës (VIDEO)

2018/19 ka qenë viti i fundit shkollor që janë bërë vizitat sistematike për t'u rikthyer në vitin 2022 për nxënësit e kryeqytetit. Pandemia e kishte ndërpretë këtë proces, teksa në këtë vit kontrolleve mjekësore do t'i nënshtrohen  nxënësit e klasës së parë, pesë dhe nëntë të 51 shkollave të Prishtinës, që  për synim ka zbulimin e problemeve shëndetësorë dhe ruajtjen e shëndetit të fëmijëve. Kreu i shëndetësisë në Prishtinë, Izet Sadiku, bëri me dije se kjo është java e tretë e vizitave që deri më tani janë bërë tre mijë sosh. Veçse bazuar në raportin e viti 2018 që kishte rezultuar me 25 përqind  të fëmijëve me obezitet, drejtori Sadiku thotë se rezultatet kësaj radhe mund të jenë edhe më shqetësuese Ndaj për evitimin e kësaj synohet që shkollarët  në një të ardhme të ushqehen nga kuzhina popullore.  Vizitat sistematike do të ketë edhe për higjienën personale, shtyllën kurrizore apo sistemin lokomotivë, ku do të përfshijë 10mijë nxënës që pritet të mbarojë deri në fund vit. https://www.youtube.com/watch?v=XxtCQn2Se7g