Rama viziton Barilevën pas vërshimeve, premton sigurime për të mbjellat (VIDEO)

Asfalti iu bë shtrat lumit Llap, që rrjedhën e lëshoi në rrugë. Shkak për këtë u bënë reshjet e shumta të shiut që shkaktuan jo pak dëme në Barilevë të Prishtinës. Ato shkoi t’i shohë nga afër kryetari Përparim Rama, i cili tha se ka përgatitur plane konkrete në mënyrë që një gjë e tillë të mos përsëritet, raporton Klan Kosova. “Me kriju koritën për lumin Llap, në bazë të saj të krijojmë edhe aspekte tjera urbane që i ndihmojnë fshatit, por ajo primare është me i ndalu vërshimet në të ardhmen”, tha Rama. Banorëve që mbetën pa të mbjella sivjet, ua bëri një premtim që deri tashti nuk u dëgjua. “Me iu mundësu edhe sigurimin që gjithkush që mbjell me pas sigurim për këto probleme që munden me iu dalë”, deklaroi i pari i kryeqytetit. E intervenimet në qytet për tri ditët e fundit nuk ishin të pakta sipas komandantit të zjarrfikësve, Malë Gashit, ndonëse numri i zjarrfikësve nuk qe i madh. Ai u ankua në numrin e vogël të zjarrfikësve që në këto ditë punuan pa pushim, derisa kryetari tha se komisioni i formuar po i mbledh dëmet për kompensimin e të cilave do kërkojnë edhe ndihmën e pushtetit qendror. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://www.youtube.com/watch?v=n3OD1LnI-zg