Kompania Apple më në fund e ka pranuar se ka një problem me tastierën e iPhone dhe iPad, çka e kishin pikasur më parë edhe shumë përdorues të këtyre produkteve.
Kur u prezantua për herë të parë kjo tastierë, ose kur dikush blinte një iPhone për herë të parë, ishte thuajse e pamundur të punonte nëse opsioni i caps lock nuk ishte i fikur apo i ndezur (i aktivizuar ose i çaktivizuar).
Përgjithësisht është një detaj i cili nuk mund të vihet re ndërsa ju jeni duke shkruar, pasi jeni të fokusuar tek tastiera, por sapo hidhni sytë në ekran, mund të vini re se i gjithë teksti është shkruar me germa të mëdha (KËSHTU) ose me germa të vogla, edhe kur ju keni vendosur pikë (.) në fund të një fjalie dhe keni nisur një fjali të re.
Si do të rregullohet ky problem?
Sipas gazetafjala.com, Apple ka bërë me dije se do të krijojë një tastierë të re për sistemin e operimit iOS 9, i cili do të funksionojë normalisht. Versioni beta i Apple është aktivizuar tashmë, por ndryshimet totale dhe përfundimtare priten në vjeshtë.
●●●
EVSHKRIMI NGA
E V
Editorial nga Klan Kosova — ndjek tech & auto dhe zhvillimet e tjera kryesore të vendit.
