Procesi i papërgatitur, Kurti e shtyn regjistrimin për dy muaj (VIDEO)

Nëntë ditë para nisjes zyrtare, u shty për të tretën herë. Pas pandemisë më 2020 e vitit zgjedhor më 2021, të mërkurën u mor vendim që regjistrimi i popullsisë, ekonomive familjare e banesave të mos fillojë nga 1 shtatori por dy muaj më vonë. Kjo sipas kryeministrit Albin Kurti, pasi nuk u arrit të bëhen përgatitjet e qeveria e tij nuk deshi të veprojë si ata të kaluarit kur më 2011, thotë se cenuan shtetësinë e Kosovës. Por,  kjo sipas Agjencisë së Statistikave atëkohë ishte kërkesë e donatorëve që financuan pjesën dërrmuese të regjistrimit. Arsyeja pse sivjet po shtyhet sipas kreut të saj, është ndryshimi i rregullave për bashkëpunim me UNOPS-in. Procedurat burokratike për tabletë e uniforma morën kohë e tash janë në zhvillim për rekrutimin e 4600 vetave staf. Përfundimisht regjistrimi i popullsisë do nisë nga 1 nëntori deri më 15 dhjetor. https://www.youtube.com/watch?v=et5h5EvGaCM