Tentim vrasja me thikë në Gjakovë, aktakuzë ndaj anëtarit të familjes Kokaj

Prokuroria Themelore në Gjakovë ka ngritur aktakuzë kundër V.Kokajt, për tentim vrasjen e 14 shtatorit, në këtë qytet, raporton Klankosova.tv Kokaj akuzohet se në ditën kritike, në rrugën “Washington” Gjakovë, tek pjesa e jashtme një lokali, me dashje ka tentuar të privojë nga jeta viktimën. "...në atë mënyrë që gjatë një mosmarrëveshje të çastit në mes tyre, papritmas i pandehuri nxjerr thikën dhe fillimisht e godet në krahun e majtë të dorës, i dëmtuari merr një shpuzore plastike të duhanit dhe e godet në pjesën e majtë të kokës, i pandehuri vazhdon duke e goditur edhe në pjesë tjera të trupit dhe atë në regjionin abdominal poshtë majtas, në vithe majtas dhe në dy krahët e duarve" - thuhet në dosjen e prokurorisë. Me këto veprime Kokaj ka kryer veprën penale, vrasja në tentativë nga neni 172 lidhur me nenin 28 të KPRK-së./ Klankosova.tv