Prokuroria e Pejës mban takim për luftimin e rasteve të trafikimit me qenie njerëzore

Koordinatorja e veprave penale për luftimin rasteve të trafikimit me qeniet njerëzore dhe kontrabandimit me emigrantë, prokurorja e shtetit nga Departamenti i Krimeve të Rënda në Prokurorinë Themelore në Pej╒, Valbona Disha – Haxhosaj, ka mbajtur takim për luftimin e rasteve të trafikimit me qenie njerëzore. Në takim u shpalosën rezultatet e disa aksioneve të koduara si “Pranvera 2025” , të cilat ishin ndërmarrë me herët. Gjithashtu, gjatë takimit të sotëm u diskutua për tema me theks të veçantë që ndërlidhen me trafikimin e qenieve njerëzore, lokalet e natës, vilat, e në veçanti  çështjen e lëmosh kërkuesve dhe keqpërdorimit të tyre. Nga të gjitha këto, u nxorën konkluzione të cilat do të shërbejnë për ndërmarrjen e aktiviteteve për luftimin e veprave penale, ku  secili institucion nga ky mekanizëm do të raportojë me 01.09.2025, lidhur me zbatimin e planit të përbashkët  operativ.