Prokuroria Speciale, aktakuzë për tre persona të përfshirë në krim të organizuar

Prokuroria Speciale e Kosovës, bën me dije se ka ngritur atkakuzë kundër katër të pandehurve për shkak se kanë kryer  veprën penale,  krimi i organizuar lidhur me detyrim. Sipas aktakuzës, të pandehurit A.B., O.B. dhe S.B., në bashkëkryerje tani me të ndjerin R.Sh., i cili është vrarë në gusht të vitit 2014, si dhe me disa persona tjerë, ende të paidentifikuar, si grup i organizuar kriminal, gjatë periudhës kohore shumëvjeçare kanë kryer një varg të krimeve të rënda penale me qëllim të përfitimit të dobisë financiare. “Të pandehurit kanë bërë presione të vazhdueshme, si dhe kërcënime të rënda, në të dëmtuarit M.T., H.Sh. dhe  I.O., që ta lirojnë pronën e patundshme - ngastrën kadastrale me sipërfaqe prej 10.12.53 ha e cila gjendet në Fushë Kosovë, rruga për Prishtinë, në vlerë prej rreth 20 milionë euro. Pronar legjitim i kësaj tokë është kombinati  “Bujqësia”, ndërsa i dëmtuari M.T., 14 vjet më parë atë tokë e ka marrë me qira dhe në të ka ndërtuar disa objekte, po ashtu me vlerë milionëshe”, thuhet në njoftimin e Prokurorisë. Mu tutje, në këtë kumtesë bëhet me dije se i dëmtuari M.T, ka qenë i detyruar të largohet nga prona e tij, dhe nga të akuzuarit i është ndaluar qasja fizike në objektet që i kishte në pronësi. Përveç rastit të parë, po të njëjtit të akuzuar, në mënyrë të njëjtë kishin vepruar edhe me të dëmtuarin A.H, pronar i ngastrës e cila kufizohet me ngastrën e cekur më lartë, të cilin  e kanë detyruar që t’ia paguajë  165.000 €. Bëhet me dije se të katër të pandehurit gjenden në paraburgim.