PS drejt mandatit të katër, Rama nis punimet të Shtëpia e Europës

Ndërkohë që ende vijon numërimi i votave për zgjedhjet parlamentare, kryeministri i Shqipërisë, Edi Rama ka shpërndarë një video në rrjetin e tij social Facebook ku tregon se kanë filluar përgatitjet për takimin e gjashtë i Komunitetit Politik Evropian do të mbledhë udhëheqës nga e gjithë kontinenti në Tiranë, nën temën “Evropa e Re në një botë të re: unitet – bashkëpunim – veprim i përbashkët”. Rama shihet teksa inspekton punimet e “shtëpisë” që do të mikpresë liderët evropianë, e mbuluar me piktura, transmeton Klankosova.tv. Shtëpia e Europës nën hijen e Skënderbeut, ku të premten, 16 maj, do të mblidhen udhëheqësit e mbarë kontinentit…”,-është shkrimi që Rama i ka bashkëngjitur videos ku duket duke bërë punime./Topchannel