PS e Ramës merr avantazhin në nisje të numërimit të votave, mbetet pas PD e Berishës

Procesi i numërimit të votave për zgjedhjet parlamentare që u mbajtën të dielën në Shqipëri ka nisur në disa qarqe të vendit, pas përfundimit të procesit zgjedhor.

Sipas rezultateve të publikuara nga KQZ, deri tani janë numëruar 17 qendra votimi nga gjithsej 5,225, raporton Abcnews.al, transmeton Klankosova.tv. 

Partia Socialiste ka marrë në rang vendi 2,172 vota, ose 61.63%, kundrejt 1,075 votave të koalicionit PD-ASHM, që përbëjnë 30.51%. Koalicioni “Nisma Bëhet” ka marrë 105 vota, ose 2.98%.

Në qarkun e Gjirokastrës, kryeson PS me 554 vota, ndërsa PD 194 vota.

Në qarkun e Korçës, është PS që kryeson me 1542 vota, ndërsa PD 833 vota.