PS me thirrje për të votuar: Kjo votë është për të gjithë ata që duan një Shqipëri evropiane

Pak para mbylljes së vendvotimeve në Shqipëri, Partia Socialiste ka bërë thirrje që të shfrytëzohet edhe kjo kohë për të votuar. Përfaqësuesja e kësaj partie tha se kjo votë është për të gjithë ata që siç u shpreh ajo, duan një Shqipëri evropiane, përcjell Klankosova.tv. “Votoni, sepse kjo votë është për të gjithë ata që duan një Shqipëri evropiane e të mundësive dhe ju kujtojë edhe pse koha është e shkurtër, nëse ju arrini në qendrën e votimit deri në orën 19:00, askush nuk ju ndalon dot që të ushtroni të drejtën tuaj të votës, prandaj nxitoni dhe mos e humbisni këtë mundësi”, është shprehur ajo.