Pse gratë kanë më shumë të ftohtë se burrat, shkencëtarët zgjidhin misterin?

Shkencëtarët kanë zgjidhur misterin e pse gratë ndjejnë më shumë të ftohtë se burrat. Ata zbuluan se e njëjta veçori është e pranishme edhe tek zogjët dhe gjitarët. Eran Levin nga Universiteti i Tel Avivit tha se burrat dhe gratë temperaturat i ndjejnë në mënyra të ndryshme, shkruan The Sun, transmeton Klankosova.tv. “Burrat dhe gratë e ndjejnë temperaturën ndryshe. Studimi ynë ka treguar se fenomeni nuk është unik për njerëzit, por edhe në mesin e shumë llojeve të shpendëve dhe gjitarëve, femrat preferojnë një mjedis më të ngrohtë sesa meshkujt dhe në periudha të caktuara këto preferenca shkaktojnë ndarje midis dy gjinive”,tha ai. Ai shtoi se fenomeni është i lidhur me disa tipare të tjera, siç është ajo që gratë kanë më shumë nevojë për ngrohtësi.