Pse shiu ju bën të ndiheni të përgjumur?

Ka disa arsye pse një ditë me shi mund t'ju bëjë të ndiheni përgjumur. Njëra është mungesa e dritës së diellit. Kur trupi i njeriut ekspozohet ndaj diellit, ai çliron më pak melatonin dhe më shumë serotonin. Kjo i bën njerëzit të ndihen më vigjilentë dhe të gëzuar. Mungesa e dritës në një ditë me shi mund të ketë efektin e kundërt—njerëzit mund të ndihen të përgjumur, transmeton Klankosova.tv Lagështia e një dite me shi gjithashtu luan rol. Kur bie shi, ajri jashtë është i rëndë. Si rezultat, trupi duhet të punojë më shumë për të ruajtur homeostazën. Kjo mund të jetë e lodhshme, duke bërë që shumë njerëz të kërkojnë disa minuta shtesë për të mbyllur sytë. Sigurisht, zëri i shiut gjithashtu luan rol në përgjumje. Shiu njihet edhe si zhurmë rozë. Kjo do të thotë se përfshin të gjitha frekuencat që njerëzit janë në gjendje të dëgjojnë, njësoj si zhurma e bardhë. Megjithatë, ajo ndryshon nga zhurma e bardhë në atë që energjia nuk shpërndahet në mënyrë të barabartë në të gjitha frekuencat në zhurmën rozë.