Psikologia Dushi: Ndryshimi i disponimit, karakteristikë tek gratë gjatë menopauzës

Psikologia Florentina Dushi ka treguar se cilat janë karakteristikat më të shprehura tek gratë, gjatë fazës së menopauzës. "Secili ndryshim, i cili është fiziologjik, ka edhe një ndryshim në mënyrë të shprehjes së emocioneve. Karakteristikë e fazës së menopauzës është ndryshimi shumë i shpeshtë i disponimit. Ndryshimi shumë i shpeshtë i disponimit është njëra nga karakteristikat më të shprehura”. Tutje, Dushi, në emisionin “Familja ime”, ka treguar se çka nënkupton kjo fazë dhe emocionet të cilat përjetohen gjatë kësaj periudhe. "Mund të jenë emocionet e një frike të pashpjegueshme që është ankthi në parim apo mund të ketë një lloj irritimi të pashpjegueshëm, por mund të ketë edhe shenja të pakënaqësisë të cilat mund të rezultojnë në depresion. Ne si gra kemi gjithmonë një perceptim, sepse kemi edhe informacione prej të tjerëve edhe e dimë që informacionet, por ndoshta edhe shembujt praktikë që i shohim personat që janë përeth nesh nëse kalojnë në fazë të tillë dhe i kanë këto ndryshime e krijon edhe një lloj frike se si kemi me reagu ne". "Përgatitja para kësaj është shumë e rëndësishme dhe po ashtu të kuptohet që një fazë e tillë do të ndodhë dhe frikën që e përjetojmë nuk do të mund ta shmangim. Por, çështja është se si ne kemi me e menaxhu veten dhe përgatit veten për ndryshimet e tilla fiziologjike që na ndodhin, pra si t'i menaxhojmë ato dhe të mos na dëmtohet funksionalizimi i jonë i përditshëm dhe qetësia jonë shpirtërore", ka thënë ajo.