Psikologu Telaku: Prania e prindërve në fazën e adoleshencës është e pakontestueshme (VIDEO)

Këtë të diel në emisionin "Familja ime" në Klan Kosova, u diskutua për periudhën e adoleshencës, ku i ftuar ishte edhe profesori i psikologjisë Naim Telaku. Ai tha faza e adoleshencës është shumë më e vështirë për ata të cilët duhet ta kalojnë pa prezencën e prindërve, ngase prania e prindërve, së pari, prania fizike është e pakontestueshme dhe e pazëvendësushme. "Shto këtu faktin se kur ndodhin ndarjet në çiftë, ndarjet në çiftë nuk ndodhin mbrena ditës, nuk ndodhin për një kohë të shkurt, por, ato zakonishit paraprihën me një të kohë goxha të gjatë të konflikteve, të problemeve në familje, të dhunës e të tjera. Dhe mund të themi se shumë raste fëmijët marrin edhe barrën e prindërve, në atë kuptimin që ka plotë fëmijë të moshës së adoleshencës, por ndoshta edhe të moshave më të rritura, ku janë vet fëmijët që i sugjerojnë me u ndarë", tha ai. Telaku, tha së adoleshentët të cilët ballafaqohen me situata të tilla, tentonjnë të rebelohen më shumë se të tjerët. "Në një farë mënyre ata tentojnë me heqë dorë prej asaj strofllës së ngrohtë që iu ofron familja, dhe pastaj rebelimi i tyre, sjellja e tyre, mund me u bë shumë raste pak devijante, domethënë ata provojnë ta kompenzojnë atë afërsi dhe ngrohtësi që e ka ofruar familja me banda të cilat munden me qenë pak të pashëndetshme". Profesori i psikologjisë, theksoi se përgjatë kësaj kohe adoleshentët mund të involvohen në përdorim apo abuzim me substanca të ndryshme, madje edhe në përdorim apo varësi të teknologjisë, dhe prej aktiviteteve të ndryshme të tjera. https://www.youtube.com/watch?v=9Swvm6H8UtA