Punëtorët teknikë të shkollave të Prishtinës ndihen të mashtruar me paga (VIDEO)

Punëtorët teknikë të disa shkollave të kryeqytetit, në shenjë proteste nuk kanë punuar nga dy orë në ditë, për shkak të disa ndryshimeve në një tender për mirëmbajtjen e shkollave. Sipas tyre, fillimisht aty ishte përcaktuar paga prej 300 eurosh neto, e më pas është ndryshuar në 250. Sipas Sindikatës së Punëtorëve të Sektorit Privat, diçka e tillë përbën shkelje, për çka paralajmërojnë edhe padi nëse nuk përmirësohet. Nga e hëna nuk përjashtohet mundësia për grevë të përgjithshme të punonjësve në disa shkolla. Drejtoresha e Arsimit në Prishtinë, Besiana Musmurati, i tha televizionit se kontratat janë të njëjta me të mëparshmet sa i përket pagës, derisa i vetmi ndryshim është rritja e numrit të punëtorëve. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://youtu.be/WHZwGxw0Oh4