"Puseta ku ra viktima në Gjakovë ishte pa kapak", policia jep detaje

Policia e Kosovës ka konfirmuar se një person ka rënë në një pusetë në rrugën “Behije Dashi” në Gjakovë dhe është shpëtuar nga zjarrfikësit. Zëdhënësi i policisë për rajonin e Gjakovës, Sheremet Elezaj për Klankosova.tv bëri të ditur se puseta ku ra viktima ishte pa kapak. Ndërkaq, viktima kishte pësuar lëndime të lehta trupore. “Sot, rreth orës 09:30, jemi njoftuar se në rrugën “Qazim Lleshi” në Gjakovë, një person mashkull (madhor) ka rënë në një puset në rrugë, e cila ishte pa kapak. Si pasojë e incidentit, viktima ka pësuar lëndime të lehta trupore dhe ka pranuar trajtim mjekësor. Policia ka dal në vendin e ngjarjes, po ashtu edhe inspektori përkatës komunal. Në konsultim me Prokurorin e Shtetit është iniciuar rast “Shkaktim i rrezikut të përgjithshëm”, njoftoi Elezaj për Klankosova.tv https://klankosova.tv/gjakove-nje-person-bie-ne-pusete-shpetohet-nga-zjarrfikesit/