Putin kujton "Betejën e Stalingradit" (VIDEO)

Fitoren e sovjetikëve ndaj forcave naziste e kujtoi me ceremoni. Madje ngjarjen e 80 vjetëve më parë e  njohur si "Beteja e Stalingradit", kreu rus Vladimir Putin e krahasoi me të tashmen kundër Ukrainës, si dikur ndaj Gjermanisë së Adolf Hitler. Sipas tij, Rusia sërish po përballet me tanket gjermane, njofton Klan Kosova. "Është e pabesueshme, por është një fakt, ne po kërcënohemi përsëri nga tanket gjermane Leopard me kryqe të pikturuara në armaturën e tyre. Edhe një herë, ata do të shkojnë në luftë me Rusinë në tokën ukrainase me duart e ndjekësve të Hitlerit", tha presidenti rus, Vladimir Putin. Prandaj Putin u bëri thirrje ushtarëve të tij ta kujtojnë betejën e Stalingradit kur të luftojnë përballë ukrainaseve. "Të gjitha populli ynë, të gjithë ne jemi rritur mbi traditat e popullit tonë, brezit të fitimtarëve, të cilët e kanë krijuar vendin tonë me mundin dhe gjakun e tyre dhe na e kanë dorëzuar neve. Forca e mbrojtësve të Stalingradit është feneri më i rëndësishëm moral  për ushtrinë ruse, për të gjithë ne", tha ai. Stalingradi konsiderohet si beteja më e përgjakshme në historinë e kombeve  me 2 milionë ushtarë e civilë të vrarë. https://www.youtube.com/watch?v=P6nqJY8zHmY