Presidenti rus Vladimir Putin ka nisur një vizitë të shkurtër në Indi, të parën që nga fillimi i luftës në Ukrainë. Vizita vjen në një moment tensionesh të rritura mes Nju Delhit dhe Uashingtonit, pasi ShBA ka vendosur tarifa dhe ka kërcënuar me sanksione për shkak të marrëdhënieve të ngushta të Indisë me Rusinë.
Putin dhe kryeministri indian Narendra Modi pritet të diskutojnë përbashkëpunimin e mbrojtjes, përfshirë blerje të reja të sistemeve raketore dhe avionëve rusë,marrëveshje tregtare dhe energjinë si dhe rolin e Indisë në përpjekjet për paqe në Ukrainë.
India ka ruajtur marrëdhënie të qëndrueshme me Rusinë, pavarësisht presionit perëndimor. SHBA ka penalizuar Nju Delhin për blerjet e larta të naftës ruse dhe po ushtron presion që India të reduktojë varësinë nga armët ruse.
Rusia mbetet furnizuesi kryesor i armëve për Indinë. Sistemi rus S-400 u konsiderua vendimtar në konfliktin ajror të Indisë me Pakistanin në maj, ndërsa Moska po promovon shitjen e avionëve luftarakë Su-57, shkruan Al Jazeera, transmeton Klankosova.tv.
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
