Presidentja e Komisionit Evropian (KE), Ursula Von Der Leyen, dhe komisionari për zgjerim Oliver Varhelyi, të mërkurën paraqiten progres-raportet për vendet aspiruese për të hyrë në BE, përfshirë Kosovën.
Republika e vogël ballkanike, për dallim nga gjithë aspirueset për t’u anëtarësuar në bllokun me 27 vende, qëndron jo edhe mirë, duke qenë se nuk e ka as statusin e vendit kandidat.
Kur u pyet për këtë fakt, e para e KE-së tha se është e rëndësishme që Kosova ka qëllim të qartë t’i bashkohet BE-së, por edhe unioni është fort i qartë në pritjet e tij. Ndërlidhet me krijimin e Asociacionit të Komunave me Shumicë Serbe.
Më 15 dhjetor bëhen një vit kur Kosova zyrtarisht dorëzoi aplikimin për të marrë statusin e vendit kandidat. Varhelyi nënvizoi se ky aplikim është te Këshilli Evropian dhe se Komisionit ende nuk i është kërkuar një opinion, për këtë çështje.
Top dyshja evropiane thanë se zgjerimi i BE-së me gjashtë vendet e Ballkanit Perëndimor dhe tjera vende, është politikë vitale e historike.
Është prezantuar dhe “Plani i Rritjes” që peshon miliarda euro, e të cilin plan Unioni e ka bërë posaçërisht për perëndimin e Ballkanit.
Ky plan i madh, sipas evropianëve, do zvogëlojë dallimet “shoqërore e ekonomike" që janë mes unionit dhe gjashtëshes ballkanike dhe do ndihmojë integrimin e tyre më të hershëm në BE. /Klankosova.tv
https://www.youtube.com/watch?v=9jh46F2MNw8
●●●
BSHKRIMI NGA
BM
Editorial nga Klan Kosova — ndjek video lajme dhe zhvillimet e tjera kryesore të vendit.
