Qëndrojnë 40 ditë të mbyllur në shpellë, pa asnjë kontakt me botën (VIDEO)

Për 40 ditë, 15 hulumtues vullnetarë u mbyllën në shpellën e Lombrives në Francë. Pas kësaj periudhe ata për herë të parë u ndeshën me rrezet e diellit, andaj me patjetër duhej të bartnin syze për mbrojtje të syve. Larg kontaktit me të tjerët, pa asnjë mjet teknologjik, madje edhe pa orë e kalendar, tetë burra dhe shtatë gra humbën edhe sensin e kohës. "Ja ku jemi, ikëm vetëm për 40 ditë. Ishte befasuese për neve kur morëm vesh se përfundoi koha në shpellë, sepse sipas llogaritjeve tona kishim vetëm 30 ditë brenda", tha Christian Clot, drejtor i projektit. E gjithë kjo është pjesë e projektit shkencor "Deep Time" të Institutit të Adaptimit Njerëzor që studion përshtatjen e njerëzve ndaj ndryshimeve rrënjësore të jetesës. Motiv për këtë janë ndryshimet e shkaktuara nga pandemia COVID-19. Sjellja dhe gjendja e banorëve të shpellës është monitoruar vazhdimisht, përmes disa një pilule me censorë që vullnetarët e kanë gëlltitur para eksperimentit. I gjithë projekti kushtoi rreth 1.2 milion euro. https://www.youtube.com/watch?v=xXOPG3Ev_cI