Dietat vegane janë më të shëndetshme dhe më të sigurta për qentë sesa dietat konvencionale të bazuara në mish, për sa kohë që ato janë të plota nga ana ushqyese, sipas studimit më të madh deri më sot.
Dieta dhe shëndeti i më shumë se 2500 qen u ndoq gjatë një viti duke përdorur anketat e kryera nga pronarët e tyre. Këta vlerësuan shtatë tregues të përgjithshëm të shëndetit, të tilla si vizitat e shumta te veterinerët dhe 22 sëmundje të zakonshme.
Studiuesit zbuluan se pothuajse gjysma e qenve të ushqyer me dieta konvencionale me bazë mishi kërkonin mjekim, ndërsa dy të tretat e qenve të ushqyer me dieta vegane nuk kërkuan mjekim.
Një studim i veçantë në vitin 2021 zbuloi se qenve u pëlqenin dietat vegane po aq sa ushqimi i zakonshëm i qenve, shkruan Guardian, përcjell Klankosova.tv.
Ndikimi i dëmshëm i mbikonsumimit të mishit nga shoqëritë perëndimore në mjedis dhe shëndetin e njerëzve është bërë i qartë vitet e fundit, si dhe shqetësimet në rritje mbi mënyrën se si trajtohen kafshët e fermës.
Ka rreth 470 milionë qen në botë dhe një numër në rritje i pronarëve të kafshëve tani po mendojnë të ndryshojnë dietën e kafshëve të tyre gjithashtu.
Rreth 9 miliardë dollarë ushqim vegan për kafshët shtëpiake u shitën në mbarë botën në vitin 2020 dhe sektori po rritet me shpejtësi.
●●●
RSHKRIMI NGA
Ramushi
Editorial nga Klan Kosova — ndjek shëndet dhe zhvillimet e tjera kryesore të vendit.
