Qentë në Australi marrin trajtim për problemet e shëndetit mendor, pas shqetësimeve të ankthit

Tian Chee Lu adoptoi dy qen shpëtimi, Max dhe Chopper, tetë muaj më parë. Ai beson se ata kanë qenë të shkëlqyer për shëndetin e tij mendor. “Kur kthehesh në shtëpi nga një ditë e keqe dhe ata do të të ngushëllojnë. Gjithçka që ata duan janë përqafime dhe dashuri”, shtoi ai. Por Chee Lu vuri re se një nga qentë, Chopper, nuk ishte shumë i lumtur. “Mund të them se ajo ishte vërtet në ankth dhe në momentin që Chopper shihte ndonjë qen tjetër, ajo reagonte, i lehte dhe ikte”, thotë Chee Lu. Pasi Tian e çoi qenin te psikiatri veterinar Dr. Jacqui Ley, qeni u diagnostikua me një çrregullim ankthi. "Rreth një në pesë qen ka një problem ankthi", thotë Dr. Ley, shkruan AP, përcjell Klankosova.tv Shenjat e zakonshme të ankthit te qentë përfshijnë vigjilencën e lartë, shqetësimin, sjelljen agresive, lehjen ose ulërimën dhe gulçimin. “Çrregullimet e ankthit nuk janë infektive. Nëse një qen ka një problem të shëndetit mendor, kjo është për shkak se një pjesë e trurit të tij nuk po punon në ekuilibër me pjesën tjetër të trurit të tij", thotë Dr. Ley. Ndërsa puna me një trajner qensh mund të ndihmojë disa qen, të tjerë kanë nevojë për trajtim psikiatrik që mund të përfshijë të njëjtin mjekim, antidepresivë, të marra nga njerëzit. Ndërsa të dhënat australiane janë të kufizuara, sondazhet amerikane sugjerojnë se rreth tetë për qind e pronarëve atje, u japin qenve të tyre ilaçe kundër ankthit. "Ne trajtojmë pothuajse çdo gjë që nuk është njerëzore”, thotë Dr Ley. Pas gjashtë muajsh trajtimi, Chopper është më i qetë dhe më i lumtur. "Ajo ka më shumë kohë për të shijuar gjërat e vogla në jetë", thotë Chee Lu, duke reduktuar ankthin edhe për pronarin e saj.