Qeveria ndan mbi 4 milionë euro për blerjen e barnave esenciale

Qeveria e Kosovës në mbledhjen e sotme ka ndarë 4 milionë e 200 mijë e 100 euro për Shërbimin Klinik Universitar të Kosovës për blerjen e barnave nga lista esenciale. Ministri i Finanacave, Hekuran Murati, deklaroi se ka buxhet për ndarjen shtesë me kërkesë së ShSKUK-së, njofton Klankosova.tv. “Ka qenë kërkesë për ndarje të mjeteve shtesë për sigurimin e barnave esenciale deri në fund të vitit. Bëhet fjalë për shumën prej 4 milionë e 200 mijë e 100 euro dhe mjetet e ndara merren nga kontingjenti i Ministrisë së Financave. Buxheti shtesë që mund të ndahet”, tha Murati. Ndarja e kësaj shtese mori aprovimin e të gjithë ministrave.