Qeveria s’ua “lehtëson” më mërgimtarëve me sigurime, MF-ja ende i ka borxh BKS-së (VIDEO)

Sivjet mërgimtarët nuk po rimbursohen për sigurimin e veturave gjatë qëndrimit në Kosovë. Sipas një kurbetçiu me prejardhje nga Peja, ky veprim nga Qeveria e Kosovës do të duhej të vazhdonte, jo si nevojë por si respekt për ta, raporton Klan Kosova. Kompensimin e favorizon edhe një tjetër, ani se paratë që pagoi më 2022 nuk iu kthyen. Nga Byroja Kosovare e Sigurimeve pohojnë se sivjet s'ka ujdi për të Kartonin e Gjelbër për çka Ministria e Financave u ka ende borxh. BKS-ja janë pro dakordimit për lirimin e diasporës nga sigurimi, por me kushte të tjera. Klani mëson se dikasteri qeveritar i Financave ka interesim për rimbursimin e 144 mijë e 760 polica që u lëshuan nga janari, por që e njëjta gjatë ditës nuk ktheu përgjigje. /Klankosova.tv *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS https://www.youtube.com/watch?v=xUX-BjsZ7Qg