Qytetarët ndihen të rrezikuar nga një shtëpi e pabanuar në Prizren (FOTO)

Qytetarët e rrugës "Afrim Zhitia" në Prizren po ndihen të rrezikuar nga një shtëpi e pabanuar. Një banor i kësaj lagje ka dërguar pamje nga vendi i ngjarjes në redaksinë e Klankosova.tv Ai thotë se e kanë paraqitur rastin edhe në komunë, por deri më tani nuk ka marrë asnjë masë. "Asnjë masë nuk e kanë ndërmarrë. Vetëm shiritat kanë ardhur dhe i kanë vendos", tha ai. "I kam kërkuar edhe vet leje për ta prishur shtëpinë. Kjo shtëpi është e pabanuar", theksoi ai. I njëjti njoftoi se ka raste kur në këtë shtëpi hyjnë edhe fëmijët për të luajtur. Derisa të shtunën në mbrëmje, në Jabllanicë të Gjakovës vdiqën tre fëmijë. Ata u zunë nga pllaka e një objekti të pabanuar.