Qytetarit i thyhet vetura në pikë të ditës në Mazgit (PAMJE)

Dy persona janë kapur nga syri i kamerës së sigurisë së një objekti duke thyer një veturë në pikë të ditës në magjistralen Prishtinë-Vushtrri, saktësisht në fshatin Mazgit të Obiliqit. Një lexues, i cili thotë të ketë qenë cak i këtyre hajnave, në redaksinë e Klankosova.tv ka dërguar një video ku shihet qartë akti i tyre. Fillimisht ata u parkuan, e më pas njëri prej tyre doli për të kontrolluar veturën se a ka diçka brenda saj. Shumë shpejt u kthye në makinën e tij, mori diçka dhe me të theu xhamin e automjetit të cilit ia kishin vënë syrin që ta vidhnin. Pasi morën atë që deshën, ata u larguan nga vendi i ngjarjes qetësisht. Kujtojmë se ditëve të fundit, raportimet për vjedhje nëpër makina janë shpeshtuar. Vetëm të martën e kësaj jave, dy persona me një makinë të njëjtë me këtë që shihet në videon më poshtë, kanë bërë kërdi në Lipjan e Kaçanik. /Klankosova.tv https://www.youtube.com/watch?v=MSQWgfTBWVM