Rachel McAdams zbulon arsyen e vërtetë pse refuzoi ribashkimin e “Mean Girls”

Rachel McAdams nuk u ul me kastin e “Mean Girls” për reklamën e tyre të re. Ylli i “Notebook” zbuloi arsyen që ajo mungonte në reklamën e së premtes së zezë të Walmart, e cila shfaqte një ribashkim mes Lindsay Lohan, Amanda Seyfried dhe Lacey Chabert duke ripërsëritur rolet e tyre në komedinë e 2004-ës, shkruan E!News, transmeton Klankosova.tv. Pra, pse McAdams-i cili luajti mbretëreshën e plastikës Regina George-refuzoi ofertën? "Nuk e di", i tha ajo Variety në një intervistë të botuar më 20 dhjetor. "Unë mendoj se nuk isha aq e emocionuar për të bërë një reklamë nëse jam plotësisht e sinqertë. Një film dukej i mrekullueshëm, por kurrë nuk kam bërë reklama dhe thjesht nuk më dukej si diçka që bëj unë". McAdams, gjithashtu pranoi se nuk e dinte se do të ishte një takim kaq i madh. "Unë nuk e dija që të gjithë po e bënin atë", vuri në dukje ajo. "Natyrisht, do të më pëlqente gjithmonë të isha pjesë e një ribashkimi të ‘Mean Girls’ dhe të rrija me Plastics-in tim, por po, e kuptova më vonë".