Rajoni i Pejës me dy raste të dhunës në familje

Dy raste të dhunës në familje janë raportuar brenda 24 orëve të fundit në rajonin e Pejës.

Sipas raportit të Policisë së Kosovës, rasti i parë ka ndodhur në Istog, ku i dyshuari ka ushtruar dhunë psikike ndaj bashkëshortes së tij.

I njëjti është arrestuar dhe, me vendim të prokurorit, është dërguar në mbajtje, transmeton Klankosova.tv.

Ndërkohë, rasti i dytë ka ndodhur pas një përleshjeje mes një femre dhe një mashkulli.

 Të dy personat janë arrestuar, ndërsa pas intervistimit, me vendim të prokurorit, janë liruar në procedurë të rregullt.