Rama në Gjirokastër: Gratë janë mbështetja jonë - Shqipëria po ndryshon çdo ditë

Edi Rama gjatë takimit me gratë dhe vajzat në Gjirokastër është shprehur se gratë janë mbështetja e tyre dhe se Shqipëria po ndryshon çdo ditë. Sipas tij, shumë banorë të qarkut, siç ka thënë ai, falë investimeve të bëra janë kthyer nga emigracioni dhe kanë bërë investime në pronat e tyre. “Gratë janë mbështetja jonë. Shqipëria reale ndryshon çdo ditë e çdo ditë. Kjo Shqipëria është një Shqipëri, që sot është krejt tjetër. Shumëkush që ishte nisur për Greqi dhe as nuk e mendonte se do kthente sytë nga këto vende, të mendojë dhe të kthehet të investojë”. “Në 11 maj kemi zgjedhjet dhe në 16 maj do të presim te Skënderbeu udhëheqësit e të gjithë kontinentit. Nga Londra në Ankara, për Samitin e Europës Politike. E imagjinonin që të ndodhte kjo? Kush e ka imagjinuar ka qenë pak i çmendur, por jo çyryk”, ka thënë ai./Abcnews.al