Shqipëria mirëpret sot Samitin e Komunitetit Politik Evropian.
Kryeministri Edi Rama ka ndarë pamje nga Shtëpia e Evropës në Tiranë, e bërë gati për liderët evropianë.
Në Facebook ai postoi një video ku shihet objekti në tërësi, dhe veçanërisht salla ku sot do të mblidhen krerët e shteteve.
"MIRËMËNGJES dhe me Shtëpinë e Evropës, krijuar me vizatimet e fëmijëve të Shqipërisë, ku sot ka zbritur e gjithë Evropa, e ku do të mbajë sytë e gjithë bota, ju uroj një ditë të mbarë", ka shkruar Rama në postim.
Ai po ashtu ndau me ndjekësit e tij edhe një video tjetër teksa shihet duke e mirëpritur Sekretarin e Përgjithshëm të NATO-s, Mark Rutte, me të cilin shprehet se diskutuan mbi "forcimin e mëtejshëm të rolit të Shqipërisë në Aleancë, sfidat e sigurisë në rajon dhe kontributin tonë aktiv në NATO".
●●●
EVSHKRIMI NGA
E V
Editorial nga Klan Kosova — ndjek lajme dhe zhvillimet e tjera kryesore të vendit.
