Rast tragjik në Krujë: 4-vjeçarja përplaset aksidentalisht për vdekje nga babai

Një rast tragjik ka ndodhur sot në Shqipëri. Një vajzë e moshës katëvjeçare, ka vdekur pasi u përplas aksidentalisht me automjet nga babai i saj. Sipas mediave shqiptare, ngjarje e rëndë ka ndodhur konkretisht në zonën e Qerekës në Krujë, transmeton Klankosova.tv. Policia thotë se automjeti i drejtuar nga shtetasi A.S. dyshohet se aksidentalisht ka përplasur vajzën e tij 4-vjeçare në ambientet e biznesit të familjes. E mitura u transportua me urgjencë në spital, por fatkeqësisht nuk arriti t’i mbijetojë plagëve, transmeton Klankosova.tv. Grupi hetimor po punon për të sqaruar plotësisht rrethanat e ngjarjes dhe për dokumentimin e rastit.