Rasti në Spitalin e Pejës: Trupi i foshnjës u nxor copë-copë nga rrobalarësja (VIDEO)

Sikur të enjten brenda katit më të lartë ku është Gjinekologjia në Spitalin e Pejës, nuk ishte edhe më 13 dhjetor. Nga salla operative ku nga trupi i një nëne pejane u nxor e pajetë foshnja 32 javëshe, por ngjarja nuk u mbyll me kaq. Situata u bë më e trishtë pasi kufoma e foshnjës nuk u trajtua si duhet dhe e njejta nga pakujdesia përfundoi e mbështjellë më çarçafë brenda rrobalarëses , që dëmtoi edhe më tej atë. Skandali u thellua kur stafi i spitalit refuzoi që ta dorëzoj te familja foshnjën 8 muajshe, por prindi nuk u zmbraps. Për rastin u njoftua më pas policia e prokuroria që po presin rezultatin e inspektoratit shëndetësor për hapat e mëtejmë. Si të përfshirë në rastin e së martës së javës së kaluar, menaxhmenti i Spitalit pezulloi nga puna 4 mami, 2 punëtor teknik e 1 pastruese. Por lajmi u bë i ditur tek këtë të mërkurë. Rasti që tronditi opinionin të mërkurën, ndikoi edhe tek e ëma e foshnjës që të vërtetën e kuptoi 8 ditë më pas. Familja e të ndjerës nuk e ka në plan ta lë me kaq pasi do ngris padi ndaj spitalit. Trupi i pajetë i foshnjës u varros më 14 dhjetor në varrezat e qytetit në Pejë. https://www.youtube.com/watch?v=w2k1AH4YrOQ