Rasti tragjik në Malishevë, Kastrati: Dhimbje e papërshkrueshme

Kryetari i Malishevës, Ekrem Kastrati, ka reaguar lidhur me tragjedinë që ndodhi në këtë komunë ku humbën jetën tre persona. Kastrati i publikoi edhe emrat e viktimave të këtij rasti të rëndë. Ai deklaroi se kjo është një dhimbje e papërshkrueshme. Kreu i kësaj komune bëri të ditur se bëhet fjalë për Ilir Berishën dhe dy fëmijet e tij. "Me pikëllim të thellë mora lajmin për tragjedinë e rëndë që ndodhi në lagjen Mirdita në Malishevë, ku humbën jetën Ilir Berisha dhe dy fëmijët e tij. Kjo është një humbje e madhe dhe një dhimbje e papërshkrueshme për familjen, miqtë dhe gjithë komunitetin tonë. Në emër të Komunës dhe në emrin tim personal, shpreh solidaritetin dhe mbështetjen tonë në këto momente të vështira", deklaroi Kastrati transmeton Klankosova.tv. "Institucionet përkatëse janë duke u marrë me rastin dhe presim që shkaqet e kësaj ngjarjeje të rëndë të zbardhen sa më shpejt. Ngushëllime familjes Berisha dhe të afërmve, si dhe të gjithë qytetarëve që me dhimbje të madhe e kanë përjetuar këtë fatkeqësi të rëndë", shtoi i pari i Malishevës. https://klankosova.tv/e-rende-babai-dhe-dy-femijet-humbin-jeten-nga-zjarri-ne-nje-banese-ne-malisheve1111/