Rektori i shkarkuar i Universitetit të Gjakovës do që të kthehet prapë në atë pozitë (VIDEO)

Ish-rektori i Universitetit të Gjakovës “Fehmi Agani”, Artan Nimani, ka aplikuar për të marrë pozitën nga e cila është shkarkuar në nëntor. Nimani thotë se pikat e Këshillit Drejtues për largimin e tij ishin të paqëndrueshme, derisa ligjërisht ka drejtë t'i hyjë garës, raporton Klan Kosova. Sipas tij, është kandidati i duhur për të vazhduar me planet që iu lanë në gjysmë në fund të vitit të kaluar. Nga Këshilli Drejtues u deklaruan se faktet e mbledhura për shkarkimin e tij duhet të merren parasysh, fillimisht nga komisioni që do formohet për shqyrtimin e aplikimeve. Përveç Nimanit, janë edhe dy kandidatë të tjerë në garë. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=jFi_9kgLm28