Renner: Mënyra më e lehtë për ta lënë duhanin... të shtypesh nga makina e borës

Jeremy Renner bëri paraqitjen e tij të parë publike që nga aksidenti me makinën për pastrimin e borës që pothuajse ia mori jetën atij pak para Vitit të Ri. Aktori i “Marvel” ishte i ftuari kryesor në “Jimmy Kimmel Live” në fillim të kësaj jave, ku ai tregoi përvojën e tij pranë vdekjes me një përzierje humori dhe falënderimi. “U zgjova… mendimi im i parë i vetëdijshëm ishte: ‘Çfarë lehtësimi. Kalendari im është i lirë për pjesën tjetër të vitit!’”, tha Renner me shaka, shkruan "Consequence". “Viti im ishte goxha i ngarkuar derisa u shtypa, por tani askush nuk mund të ngatërrohet me mua. Jam i lirë”. “Ishte si një vendim i Vitit të Ri”, vazhdoi ai. “Kam rënë 20 kilogramë. E lash duhanin. Mënyra më e lehtë për të lënë duhanin – sepse për pak sa nuk e vrava veten, as që mendoja më për duhanin. Ishte e lehtë”, u shpreh ai në këtë emision, transmeton Klankosova.tv. Renner u paraqit në skenë me ndihmën e bastunit, por ai u shfaq në formë jashtëzakonisht të mirë duke qenë se ai pati mbi 30 kocka të thyera vetëm katër muaj më parë. Renner i tha Kimmelit se disa nga miqtë e tij të ngushtë fillimisht kishin frikë se ai do të humbiste jetën. E megjithatë shërimi i tij ka përparuar deri në atë pikë sa kohët e fundit ai çoi vajzën e tij 10-vjeçare dhe miqtë e saj në Disneyland. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS