Reshjet e vazhdueshme të dendura në Slloveninë perëndimore shkaktuan rrëshqitje të shumta dheu të hënën, duke izoluar disa fshatra dhe duke dëmtuar infrastrukturën lokale, thanë autoritetet.Fshati Kozbana, në Komunën e Brdës, është ndër komunitetet që tani janë plotësisht të izoluara pasi rrëshqitjet e dheut bllokuan të gjitha rrugët hyrëse, transmeton Klankosova.tv "Kemi fshatra të izoluar që shpresojmë t'i arrijmë sa më shpejt të jetë e mundur. Ka shumë rrëshqitje dheu", tha Andrej Colja, kreu i njësisë së Mbrojtjes Civile në Brda. Sipas Agjencisë Sllovene të Mjedisit, deri në 100 milimetra shi ranë në disa pjesë të Sllovenisë perëndimore brenda 12 orëve. Agjencia paralajmëroi gjithashtu se priten reshje bore gjatë natës në disa rajone. /Klankosova.tv
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
