Reshjet në Pejë, dëmtohet ura e Vranocit të Vogël (VIDEO)

Ura në fshatin Vranoc i Vogël në mes të Deçanit e Pejës është dëmtuar pas reshjeve të shumta të shiut. Për këtë arsye, edhe policia vendosi shirita paralajmërues, që banorët e këtij fshati mos të kalojnë andejpari. Me vërshime u përballën edhe banorë të tjerë të Pejës afër stacionit të autobusëve. Edhe lumëbardhi kishte dendësi të lartë të ujit, pas reshjeve të fundit. E për të parë situatën nga afër të dielën në disa fshatra doli edhe kryetari Gazmend Muhaxheri. Në terren ishte edhe Ministri i Pushtetit Lokal, Elbert Krasniqi, i cili tha se është në kontakt të vazhdueshëm me kryetarët e komunave në rajonin e Dukagjinit. Gjatë të dielës, vërshime pati edhe në pjesë të ndryshme të vendit. https://www.youtube.com/watch?v=A5KR90lHMhA&t=17s