Lajmet e fundit
Ka përfunduar numërimi i votave për Bashkinë e Gjirokastrës, ku Partia Socialiste (PS) ka arritur të sigurojë 9722 vota, ose 58.86% të totalit, duke kryesuar me një diferencë të konsiderueshme ndaj opozitës.
Koalicioni i Partisë Demokratike (PD) dhe Aleancës për Shqipërinë Madhështore (PD-ASHM) ka siguruar 5255 vota, ose 31.82%, raporton Euronews,al. transmeton Klankosova.tv.
Partitë dhe koalicionet e tjera kanë marrë mbështetje më të vogël, ku Lëvizja Bashkë (BASHKE) ka marrë 287 vota, që përbën 1.74%, ndërsa Partia Nisma Shqipëria Bëhet (NISMA-SHB) ka siguruar 513 vota, ose 3.11%. Partia Aleanca Kombëtare Shqiptare (AKSH) ka marrë 31 vota, ose 0.19%, ndërsa Lëvizja Atdheu (LA) ka marrë vetëm 7 vota, që përbën 0.04%. Koalicioni Euroatlantik (KEA) ka marrë 46 vota, ose 0.28%, ndërsa Koalicioni Djathtas për Zhvillim (DZH) ka marrë 170 vota, ose 1.03%. Partia Mundësia (MUNDESIA) ka siguruar 293 vota, ose 1.77%, ndërsa Partia Socialdemokrate (PSD) ka marrë 176 vota, ose 1.07%.
