(RH-) grupi për të cilin ka më së shumti nevojë në Transfuzionin e Gjakut

Java botërore e dhurimit të gjakut është duke u shënuar edhe tek ne si në mbarë botën, duke filluar më 14 qershor. Gjatë kësaj jave shënohen shumë aktivitete në komuna, institucione shtetërore e private me qëllim që të ketë sa më shumë vullnetarë të cilët përmes dhurimit të gjakut  kanë mundësi të shpëtojnë jetë. Në emisionin “Familja Ime” këtë të shtunë Hedije Hashani Mahmutaj, doktoreshë e Transfuzionit të Gjakut, theksoi se dhuruesit kanë shumë përfitime shëndetësore përveç aktit human që e bëjnë, njofton Klan Kosova.. “Çdo dhurues i gjakut testohet në sëmundjet trasmetive dhe sëmundjet hematologjike. Pra çdo dhurues i gjakut ka mundësi ta përcjellë veten për sëmundjet transmisive sepse punohet me aparatura të sofistikuara e kjo ka shumë rëndësi si dhe grupin e gjakut e kupton ‘RH’ faktorin si dhe nëse ata kanë probleme me rruaza të gjakut e kjo është një benefit i madhe. Përndryshe këtyre dhuruesve ju takojnë edhe dy ditë pushim”, ka thënë ai. Por grupet më të rralla në transfuzionin e gjakut sipas Albana Gashi, menaxhere për promovimin e dhurimit të gjakut - janë grupet (RH-) e për të cilat, sipas saj në transfuzion kemi shumë nevojë. “Zakonisht kemi më shumë grupe O+ dhe A+ por ne në teren çdo herë ju themi vullnetarëve që çdo grup I gjakut ka rëndësi të madhe për ne. Cilido nga grupet e gjakut që dhurohet e ka rëndësinë e vetë, por grupet me (RH-) janë grupe më të rralla edhe kur hasim në këta vullnetarë i lusim dhe ju bëjmë thirrje që të vinë sa ma shpesh në Transfuzion të Gjakut dhe të dhurojnë gjak sepse janë grupe më të rralla dhe ne kemi shumë nevojë për ta.” https://www.youtube.com/watch?v=jP_zgIIg_t0&t=30s