Rihapen dy tunele hekurudhore në Han të Elezit (VIDEO)

Të shtunën u rihapën tunelet e rindërtuara 6 dhe 7, të segmentit të linjës hekurudhore që do e lidhë Hanin e Elezit me Fushë-Kosovën. Investimi që kushtoi 164.5 milionë euro, sipas kryeministrit Albin Kurti, është vendimtar për këtë sektor. Projekti i përgjithshëm parasheh 13 ura të reja dhe 7 tunele të rindërtuara, sipas standardeve më të larta evropiane të transportit hekurudhor. 50% të kësaj pune e ka financuar Bashkimi Evropian, 25% janë kredi nga BERZh-i dhe po kaq nga Banka Evropiane e Investimeve. Ambasadori i Italisë në Kosovë, Antonello De Riu, u shpreh i lumtur për projektin që e punoi një kompani italiane, e tha se mezi pret të përurohen edhe dy llotet e tjera. Kontrata për rehabilitimin e linjës 10 ishte nënshkruar në vitin 2019, dhe planet fillimisht ishin që ajo të ishte e gatshme në fillim të vitit 2021. /Klankosova.tv https://www.youtube.com/watch?v=CQ4RwmYVlRk