Riinfeksionet me COVID-19, rezultatet e rënda mund të jenë më të zakonshme me variantin BA.5

Aktualisht dominues është varianti i virusit COVID-19, Omicron BA.5, nga i cili ka më shumë gjasa për infektimin për herë të dytë me këtë virus. Nga fundi i prillit deri në fillim të qershorit, studiuesit kanë dal në përfundim se 15 mijë e 396 të rritur janë infektuar me variantin BA.2 dhe 12 mijë e 306 të infektuar me BA.5. Sipas një raporti të publikuar në "medRxiv", vaksinat dhe përforcuesit ishin po aq efektivë kundër të dy nënvarianteve. Megjithatë, 10 përqind e rasteve me BA.5 ishin riinfeksione, krahasuar me 5.6 përqind të rasteve që ishin me BA.2, gjë që tregon një reduktim të mbrojtjes së dhënë nga infeksioni i mëparshëm kundër BA.5 krahasuar me BA.2, shkruan Reuters, transmeton Klankosova.tv. Për më tepër, studiuesit thonë se vaksinat dukej se ishin më pak efektive në reduktimin e rrezikut të rezultateve të rënda për BA.5 krahasuar me BA.2. “Në mesin e të infektuarve me BA.5, vaksinimi përforcues u shoqërua me 77 deri në 88 përqind ulje të rrezikut të shtrimit në spital dhe vdekjes nga COVID-19, derisa reduktim më i lartë i rrezikut u gjet për rastet me nënvariantinBA.2, me 93 deri në 94 përqind", thuhet në këtë studim. Proteina e virusit dëmton qelizat e muskujve të zemrës Ndërkaq, sipas një studimi tjetër të ri, proteina e virusit, shkakton dëme në sistemin imunitar si dhe dëmton qelizat e muskujve të zemrës. Kështu bëri të ditur Zhiqiang Lin i Institutit të Kërkimeve Mjekësore Masonike në Utica në Nju Jork. "Kjo do të thotë që sapo zemra të infektohet me SARS-CoV-2, ajo do të aktivizojë sinjalizimin "TLR4". Ne siguruam prova të drejtpërdrejta  proteina e virusit është toksike për qelizat e muskujve të zemrës dhe ngushtuam mekanizmin themelor pasi ajo proteinë ndez drejtpërdrejt qelizat e muskujve të zemrës”, u shpreh ai.