Rikthehet në punë në QKUK logopedi që u zu duke e ofenduar 5-vjeçaren me autizëm (VIDEO)

Logopedi Iljasa Fazliu është rikthyer në vendin e tij të punës tash e dy javë në Shërbimin për Çrregullime në të Folur dhe të Dëgjuar në Klinikën e ORL-së, në QKUK. Veçse, kësaj here jo si shef por vetëm si logoped i këtij shërbimi, anise në nëntorin e kaluar SHSKUK e kishte pezulluar nga kjo pozitë  disa ditë pas arrestimit, ku Fazliu dëgjohej duke e ofenduar pacienten 5 vjeçare me autizëm në ordinancën e tij private në Gjilan. "Komisioni Disiplinor vendimin e ka bazuar në Çertifikatën mbi Dënimet Penale të lëshuar nga Këshilli Gjyqësor i Kosovës, ku I.F figuron se nuk është i dënuar me Aktgjykim të formës së Prerë", deklaruar nga Shërbimi Spitalor Klinik dhe Universitar E,  për dëshminë e  Komisionit Disiplinor pati nevojë edhe Oda e Infermierëve, kjo për ri-licencim,  ngase të njëjtit licenca e punës si profesionit i kishte skaduar në shtator të 2022. "Në vërtetimin e Komisionit Disiplinor thuhet se nuk ka shkelje në QKUK dhe se ka të drejtë të kthehet në vendin e punës, por jo si shef", tregon Kreu i Odës së Infermierëve, Naser Rrustemaj. Logopedi Fazliu nuk kishte qenë më parë anëtarë i kësaj Ode, meqë licencën paraprake të punës e kishte nga MSh, ndaj fillimisht ju deshtë të aplikojë për anëtarësi dhe më pas të aplikoj për ri-licencim, ku tashmë Fazliu është në proces të ri-licencimit. Përveç procesit të ri-licencimit si profesionist, televizioni merr vesh se logopedi ka aplikuar rreth dy javë më parë  në AUVK edhe për pëlqim sanitar për hapjen e një ordinance të re private në Prishtinë, pasi që ajo e Gjilanit nuk ka qenë e licencuar nga ministria sa i përket ushtrimit të veprimtarisë. https://www.youtube.com/watch?v=ndlV0YQuUTw