Rina Balaj: Feron e kam si vëlla, ndërsa Fuego ma ka shpëtuar karrierën disa herë kur nuk kisha inspirim

Këngëtarja Rina Balaj ka thënë se me reperin Feron gjithmonë ka pasur raporte të mira. Në emisionin “Ora Shtatë” në Klan Kosova, ajo ka pohuar se e konsideron atë si vëlla të saj. “Unë me Feron mund të them shlirë se jemi rritur bashkë, kemi qenë shumë të rinj kur kemi filluar të punojmë bashkë. Me mua ka qenë gjithmonë shumë i sjellshëm, edhe me shoqërinë time. Shumë shpesh kemi marrë këshilla nga njëri-tjetri gjatë këtyre viteve, kemi vazhduar të kemi një raport shumë të mirë edhe pse nuk kemi qenë në të njëjtin label. Unë Feron e shoh si vëllan tim, si Rigonin. Nuk mund të gjykoj asgjë që nuk e kam parë”, ka deklaruar Balaj kur u pyet për procesin gjyqësor që po zhvillohet ndaj Feros në lidhje me ish-gruan e tij, Arbenita Ismajli. Poashtu, Rina ka folur edhe për Fuegon, reper me të cilin kanë qenë në të njëjtën kompani muzike, “Zap n’Cris”, në fillimet e tyre. “Për Fuegon mund ta them se ma ka shpëtuar disa herë karrierën, kur nuk kisha ndonjë insprim". E njëjta u pyet edhe nëse do të bënte ndonjë bashkëpunim me Kidën, Mozzikun dhe Getinjon. “Po, nëse kënga është e mirë", tha Balaj. /Klankosova.tv